Ferlið

Skyggnirannsóknir eru aðeins mismunandi eftir því hvaða hluta meltingavegarins á að rannsaka. Í öllum tilfellum þarftu að fjarlægja allt sem getur skyggt á rannsóknarsvæðið, fatnað, skartgripi og slíkt. 

  • Vélinda - engin þörf á föstu
  • Magarannsókn - fasta frá miðnætti
  • Mjógirni - Fljótandi fæði daginn fyrir rannsókn og fasta frá miðnætti

Þegar þú mætir síðan í rannsóknina þarftu að innbyrða skuggaefni (baríum) sem er notað í myndatökunni.

Rannsóknin getur tekið frá 10 mínútum upp í klukkustund og þegar mjógirnið er rannsakað getur hún tekið nokkrar klukkustundir.

Undirbúningur

Í flestum tilfellum þarf að fasta frá miðnætti áður en rannsókn hefst.

Börn í rannsókn

Þegar börn fara í þessa rannsókn þarf sjaldnast sérstakan undirbúning. Barnið gæti þurft að fasta frá miðnætti og fá svo skuggaefni (Barium) sem er skaðlaust efni, hvítur þykkur vökvi með sætu bragði. Það fer eftir aldri hvort það er gefið í gegnum snuð, sprautu eða drukkið úr glasi.

Nánari leiðbeiningar fá foreldrar frá lækni sem vísar barni í rannsóknina

Athugið að nauðsynlegt er að koma með tilvísun frá heimilislækni og framvísa þegar komið er með barnið í rannsókn. 

Tímapantanir og niðurstöður

Eftir að læknir hefur sent rafræna beiðni um skyggnirannsókn höfum við samband við þig samdægurs og finnum tíma í rannsókn. 

 

Læknirinn sem sendi beiðnina fær svo niðurstöður rannsóknarinnar mjög fljótlega og kynnir þær fyrir þér. Algengur biðtími er 1-2 dagar.