Röntgenrannsóknir: Mjógirni

Undirbúningur:
Fasta frá miðnætti.
Fólk þarf að fara úr öllu nema nærbuxum og fær slopp til að vera í meðan á rannsókn stendur.

Frábendingar:
Þungun.

Tími:
Rannsóknin tekur mjög mislangan tíma en vert er að gefa sér góðan tíma í þetta.

Framkvæmd:

• Fólk fær bariumblöndu sem það drekkur.
  
• Teknar eru myndir með reglulegu millibili til að fylgjast með blöndunni ferðast gegnum mjógirnið.
  
• Fólk ýmist stendur eða liggur útaf meðan á rannsókn stendur og þarf að snúa sér eftir beiðni læknis.

Myndataka:
Teknar eru allmargar myndir. Notast er við röntgengeisla og mjógirnið skoðað í gegnumlýsingu.

Aðrar upplýsingar:
Blývörn er áföst við tækið og ver þannig viðkvæm svæði s.s. kynkirtla bæði karla og kvenna. Geislavarnir felast í nákvæmum og réttum vinnubrögðum geislafræðingsins og röntgenlæknisins s.s. lágmarks stærð á geislafelti, stöðu fólks meðan myndað er og réttu vali á tökugildum.

Forðast skal að mynda barnshafandi konur nema brýna nauðsyn beri til. Velja skal hættuminni rannsókn ef kostur er á slíku.

Viðbrögð við bariumskuggaefni eru óþekkt en að rannsókn lokinni er mikilvægt að drekka vel af vökva til að koma í veg fyrir hægðatregðu.