Röntgenrannsóknir: Kviðarholsyfirlit

Undirbúningur:
Enginn en fólk þarf að afklæðast öllu nema nærbuxum og fær slopp eða bol til að vera í meðan á rannsókn stendur.

Frábendingar:
Þungun.

Tími:
Rannsóknin tekur 10 – 15 mínútur

Framkvæmd:

• Legið er á bakinu stóran hluta rannsóknarinnar og þarf fólk ekki að hreyfa sig neitt nema ef taka á myndir af honum í standandi stöðu eða liggjandi á hlið.

Myndataka:
Að jafnaði eru teknar tvær myndir þar sem fólk liggur á bakinu. Ein fyrir efri hluta kviðarhols og önnur fyrir neðri hluta kviðarhols. Í sumum tilfellum þarf að taka samskonar myndir þar sem fólk stendur og stundum er tekin mynd af fólki liggjandi á hliðinni allt eftir því eftir hverju er verið að leita.

Aðrar upplýsingar:
Karlmenn geta hér fengið svokallað pungblý eða eins konar buddu sem sett er utanum punginn til að verja hann fyrir geislun. Erfiðara er að verja eggjastokka kvenna enda staðsetning þeirra ekki eins nákvæm og kynfæri karla. Geislavarnir felast í nákvæmum og réttum vinnubrögðum geislafræðingsins s.s. lágmarks stærð á geislafelti, stöðu fólks meðan myndað er og réttu vali á tökugildum. Gott er að verja brjóst kvenna með blýsvuntu þegar við á.

Forðast skyldi að mynda barnshafandi konur nema brýna nauðsyn beri til. Velja skal hættuminni rannsókn ef kostur er á slíku.