Röntgenrannsóknir: Efri útlimir

Undirbúningur:
Enginn.

Frábendingar:
Engar.

Tími:
Rannsóknin tekur 10 - 30 mínútur.

Til athugunar:
Fjarlægja þarf skartgripi af þeirri hendi sem á að mynda eða hvað annað sem skyggt gæti á.

Framkvæmd:

• Fólk situr á stól eða stendur við rannsóknarborðið.
  
• Veika höndin er sett beint ofaná filmuhylki
  
• Geislafræðingur beinir röntgentæki að veika svæðinu og afmarkar hæfilegt geislasvið.

Myndataka:
Teknar eru að minnsta kosti 2 myndir og oft fleiri.

Aðrar upplýsingar:
Ekki er þörf á blývörn við þessa myndatöku nema blývörn skal vera undir filmuhylkinu. Geislavarnir felast í nákvæmum og réttum vinnubrögðum geislafræðingsins s.s. lágmarks stærð á geislafelti, stöðu fólks meðan myndað er og réttu vali á tökugildum.

Undantekningar frá þessu er þegar verið er að mynda börn. Þá skal setja á þau blývörn. Sömuleiðis skal verja barnshafandi konur.